ತಿನಿಪಿನ ಉನ್ ಪಿನ ಜೋಕುಲೆ ಮರ್ಲ್
ಜವನಾದಿಗೆದ ರೂಪದ ಮರ್ಲ್
ಪಿರಿಪಿರಿ ಪಾತೆರುನ ಪ್ರಾಯದ ಮರ್ಲ್
ದೊಡ್ದು ಕಾಸ್ ದ ಮಲ್ಲ ಮರ್ಲ್! !
ಆಸೆದ ಮರ್ಲ್ ಅರೆ ಮರ್ಲ್
ಒರಿಯಗ್ ಆಯ್ತ ಮರ್ಲ್
ಕುಡೊರಿಯಾಗ್ ನೆತ್ತ ಮರ್ಲ್
ಜನ – ಜನಕ್ ಲೆಗ್ ಬೇತೆ – ಬೇತೆ ಮರ್ಲ್! !
ಜಗತ್ತ್ ಡ್ ಮರ್ಲೇ ಮರ್ಲ್
ಪರ್ಪಿನ ಮರ್ಲ್ ಒಯಿಪುನ ಮರ್ಲ್
ಪೊಣ್ಣನ ಮರ್ಲ್ ಬಣ್ಣದ ಮರ್ಲ್ ಮಣ್ಣ್ ದ ಮರ್ಲ್ ಬಂಗಾರದ ಮರ್ಲ್!
ಮುಳ್ಳುನು ಮುಳ್ಳುಡ್ ದೆಪ್ಪುಗ
ಮರ್ಲ್ ನ್ ಮರ್ಲ್ ಡೆ ದೆಪ್ಪುಗ
ಮರ್ಲಾವೊಡು ನಮ ದೇವೆರೆ ಪುದರ್ ಗ್
ಉಂದುವೇ ಮರ್ದ್ ಮಾತ – ಮರ್ಲ್ ಗ್! !
ಗುತ್ತಿನಾರ್ ಸುಧಾಕರ್ ಶೆಟ್ಟಿ ದೆಪ್ಪುಣಿಗುತ್ತು
