ಉದಾಸೀನನೇ ಉದಲ್ ದ ತಾದಿ
ಹಂಕಾರ ನೇ ನಾಸದ ತಾದಿ
ಸಂಸಯನೇ ಸಂಕಡೊಗು ತಾದಿ
ದೊಡ್ದುದ ಬಡವೇ ದುಃಖದ ತಾದಿ! !
ಬಂಜರ ವಣಸೇ ರೋಗದ ತಾದಿ
ಪಗೆತನ ಬುಡುಂಡ ಪಿರ್ತಿದ ತಾದಿ
ನಿರ್ಮಲ ಮನಸೇ ಸಾಂತಿದ ತಾದಿ
ಒಂಜೆ ಬಾವನೆ ಒಗ್ಗಟ್ಟ್ ದ ತಾದಿ
ನನ ಯಾವು ಇನ್ಪಿನ ಸೇಮದ ತಾದಿ
ಉಡಲ್ ದ ಪಾತೆರ ಸತ್ಯದ ತಾದಿ
ಪರೋಪಕಾರನೇ ಪುಣ್ಯದ ತಾದಿ
ಪುಣ್ಯದ ಕೆಲಸನೇ ಸೊರ್ಗದ ತಾದಿ
ಆರೋಗ್ಯನೇ ಸಂಪೊತ್ತ್ ದ ತಾದಿ
ಗೇನದ ಬದ್ ಕೆ ದೇವೆರೆಡೆ ತಾದಿ
ದೇವೆರೆ ದಯೆನೇ ಸುಕತ್ತ ತಾದಿ
ಸುರ್ಪದ ಗುರ್ತನೇ ಮುಕ್ತಿದ ತಾದಿ! !
-ಗುತ್ತಿನಾರ್ ಸುಧಾಕರ್ ಶೆಟ್ಟಿ ದೆಪ್ಪುಣಿಗುತ್ತು
