ಮೀರಾ ರೋಡ್ ನಿವಾಸಿಯಾದ ಕಳತ್ತೂರು ಅಂಗಡಿಗುತ್ತು ವೀರೇಂದ್ರ ವಿ ಶೆಟ್ಟಿ ಮತ್ತು ಶೀರೂರು ಮೂಡುಮನೆ ಸುಕನ್ಯಾ ವಿ ಶೆಟ್ಟಿ ದಂಪತಿಯ ಮಗನಾದ ಪ್ರಖ್ಯಾತ್ ವಿ ಶೆಟ್ಟಿಯವರಿಗೆ ನವೆಂಬರ್ 1 ರಂದು ಮಂಗಳೂರಿನಲ್ಲಿ 2024 ರ ಸಾಲಿನ ಕರ್ನಾಟಕ ರಾಜ್ಯೋತ್ಸವ ಸಾಧಕ ಪುರಸ್ಕಾರ ನೀಡಿ ಗೌರವಿಸಲಾಯಿತು. ಇವರಿಗೆ ಕಲೆ, ಸಂಗೀತ, ಕ್ರೀಡೆ, ಶಿಕ್ಷಣ ಇವೆಲ್ಲದರಲ್ಲಿ ತುಂಬಾ ಆಸಕ್ತಿ ಇದ್ದು ಹಲವಾರು ಪ್ರಶಸ್ತಿಗಳನ್ನು ಪಡೆದಿದ್ದಾರೆ. ಇವರು ಕರಾಟೆಯಲ್ಲಿ ಬ್ಲಾಕ್ ಬೆಲ್ಟ್ ಮತ್ತು ಹಲವಾರು ಬಂಗಾರದ ಪದಕವನ್ನು ಗೆದ್ದಿರುತ್ತಾರೆ.
2020 ರಲ್ಲಿ ಬಂಟರ ಸಂಘ ಮುಂಬಯಿ ಏರ್ಪಡಿಸಿದ “ಚಿಣ್ಣರ ಚಿಲಿಪಿಲಿ” ಎಂಬ ಫ್ಯಾಷನ್ ಶೋನಲ್ಲಿ ಭಾಗವಹಿಸಿ 2 ನೇ ಸ್ಥಾನವನ್ನು ಪಡೆದಿದ್ದರು. ಹಾಗೆಯೇ ಓದಿನಲ್ಲೂ ಸಹ ಮುಂದಿದ್ದು SSC ಯಲ್ಲಿ 93%, HSC ಯಲ್ಲಿ 88% ಅಂಕವನ್ನು ಪಡೆದು ಪಾಸಾದರು. MHT CET ಪರೀಕ್ಷೆಯಲ್ಲಿ 99 ಅಂಕವನ್ನು ಪಡೆದು ಭಾರತದ ಅತ್ಯಂತ ಕಠಿಣ ಪರೀಕ್ಷೆಯಾದ Jee Mains ಪರೀಕ್ಷೆಯಲ್ಲಿ 98.50 ಅಂಕವನ್ನು ಪಡೆದು ಸುರತ್ಕಲ್ ಎನ್ ಐ ಟಿ ಕೆ ಇಂಜಿನಿಯರಿಂಗ್ ಗೆ ಪ್ರವೇಶವನ್ನು ಪಡೆದು ಪ್ರಸ್ತುತ 2 ನೇ ವರ್ಷದ ಇಂಜಿನಿಯರಿಂಗ್ ಪದವಿಯನ್ನು ಓದುತ್ತಿದ್ದಾರೆ.
