ರೋಟರಿ ಜಿಲ್ಲೆ 3181 ವತಿಯಿಂದ ಹಮ್ಮಿಕೊಂಡ 2023-2024 ಸಾಲಿನ ಪ್ರಶಸ್ತಿ ಪ್ರದಾನ ಸಮಾರಂಭ ಮೈಸೂರಿನಲ್ಲಿ ನಡೆದಿದ್ದು, ರೋಟರಿಯ ಅತ್ಯುನ್ನತ ಗೌರವ UNSUNG HERO ಪ್ರಶಸ್ತಿಯು ಡಾ. ಹರ್ಷ ಕುಮಾರ ರೈ ಮಾಡಾವು ಇವರಿಗೆ ಲಭಿಸಿದೆ. ರೋಟರಿ ಕ್ಲಬ್ ಪುತ್ತೂರು ಯುವಾದ ಅಧ್ಯಕ್ಷರಾಗಿ, ವಲಯ ಸೇನಾನಿಯಾಗಿ, ರಸ್ತೆ ಸುರಕ್ಷತೆ ಮತ್ತು ಜಾಗ್ರತಿ ಜಿಲ್ಲಾ ಛೇರ್ಮನ್ ಆಗಿ ರೋಟರಿಯಲ್ಲಿ ಹಲವು ಜವಾಬ್ದಾರಿಗಳನ್ನು ಯಶಸ್ವಿಯಾಗಿ ನಿರ್ವಹಿಸಿದ್ದಾರೆ.
ಪ್ರಸ್ತುತ ವರ್ಷದಲ್ಲಿ ರೋಟರಿ ಜಿಲ್ಲೆಗೆ ಒಳಪಟ್ಟ ದ.ಕ, ಕೊಡಗು,ಮೈಸೂರು ಮತ್ತು ಚಾಮರಾಜನಗರ ಜಿಲ್ಲೆಗಳಲ್ಲಿ ರಸ್ತೆ ಸುರಕ್ಷತೆ ಮತ್ತು ಜಾಗ್ರತಿಗೆ ಸಂಬಂಧ ಪಟ್ಟ ಹಲವು ವಿನೂತನ ಕಾರ್ಯಕ್ರಮಗಳನ್ನು ಸಂಘಟಿಸಿ ರೋಟರಿ ಜಿಲ್ಲೆ ಮಾತ್ರವಲ್ಲದೇ ರೋಟರಿ ಇಂಡಿಯಾದಲ್ಲೇ ಹೊಸ ದಾಖಲೆ ಮಾಡಿದ್ದರು. ಇವರು 2024-2025 ರ ಸಾಲಿಗೆ ರೋಟರಿ ಅಸಿಸ್ಟೆಂಟ್ ಗವರ್ನರ್ ಆಗಿ ನೇಮಕಗೊಂಡಿದ್ದಾರೆ. ಈ ಸಂದರ್ಭದಲ್ಲಿ ಜಿಲ್ಲಾ ಗವರ್ನರ್ ಎಚ್. ಆರ್ ಕೇಶವ್, ಪೂರ್ವ ಗವರ್ನರ್ ಪ್ರಕಾಶ್ ಕಾರಂತ್ ಮತ್ತು ಚಿತ್ರ ನಟಿ ಪ್ರಿಯಾಂಕ ಸೇರಿದಂತೆ ರೋಟರಿ ನಾಯಕರು ಉಪಸ್ಥಿತರಿದ್ದರು.
