2023-24 ನೇ ಶೈಕ್ಷಣಿಕ ಸಾಲಿನ ಐಸಿಎಸ್ ಇ 10 ನೇ ತರಗತಿ ಪರೀಕ್ಷೆಯ ಫಲಿತಾಂಶ ಪ್ರಕಟಗೊಂಡಿದ್ದು, ಸಾಂತಾಕ್ರೂಜ್ ಪಶ್ಚಿಮದ ಲೀಲಾವತಿ ಬಾಯಿ ಪೋದಾರ್ ಇಂಟರ್ ನ್ಯಾಷನಲ್ ಸ್ಕೂಲ್ ನ ಸುವಿದ್ ಎಸ್. ಶೆಟ್ಟಿ ಮಾರ್ನಾಡ್ ಟ್ಯೂಷನ್ ಪಡೆಯದೇ ಶೇ. 94 ಅಂಕ ಪಡೆದು ಶಾಲೆಗೆ ಕೀರ್ತಿ ತಂದಿದ್ದಾರೆ.
ಪಠ್ಯ ಮತ್ತು ಪಠ್ಯೇತರ ಚಟುವಟಿಕೆಗಳಲ್ಲೂ ಮುಂಚೂಣಿಯಲ್ಲಿರುವ ಇವರು ಇಂಗ್ಲಿಷ್, ಫ್ರೆಂಚ್, ಉರ್ದು, ನೇಪಾಲಿ, ಅರೇಬಿಕ್ ಅಲ್ಲದೇ ಭಾರತೀಯ ಎಲ್ಲಾ ಭಾಷೆಗಳ ಜಾಹೀರಾತುಗಳಿಗೆ ಮತ್ತು ಕಾರ್ಟೂನು ಫಿಲಂ, ಚಾನಲ್ ಪ್ರೊಮೊಗಳಿಗೂ ಕಂಠದಾನ ಮಾಡಿದ್ದಾರೆ. ಐಲೇಸಾ ಸಂಸ್ಥೆಯ ಸಕ್ರಿಯ ಸದಸ್ಯರಾಗಿರುವ ಸುವಿದ್ ನಾಟಕ, ಸಂಗೀತ, ಇನ್ನಿತರ ಕ್ಷೇತ್ರಗಳಲ್ಲೂ ಮುಂದಿದ್ದು ಇವರ ಹಲವಾರು ಹಾಡುಗಳು ಯೂಟ್ಯೂಬ್ ನಲ್ಲಿ ಎಲ್ಲರ ಪ್ರಶಂಸೆಗೆ ಪಾತ್ರವಾಗಿದೆ. ಇವರು ಮಾಟುಂಗ – ಮಾಹಿಮ್ ನ ಸಿತ್ಲಾದೇವಿ ಮಂದಿರ ರೋಡ್ ನಿವಾಸಿಗಳಾದ ಪ್ರಸಿದ್ಧ ಕಂಠದಾನ ಕಲಾವಿದ, ರಂಗಕರ್ಮಿ ಸುರೇಂದ್ರ ಕುಮಾರ್ ಶೆಟ್ಟಿ ಮಾರ್ನಾಡ್ ಮತ್ತು ಭಾಂಡೂಪ್ ನ್ಯಾಷನಲ್ ಕಾಲೇಜಿನ ಉಪನ್ಯಾಸಕಿ ಡಾ. ವಿದ್ಯಾ ಸೂರಿ ಮಾರ್ನಾಡ್ ದಂಪತಿಯ ಪುತ್ರ.
