ತುಲುವೆರೆ ಕಲ ಕೂಟೊದ ರಡ್ಡನೇ ವರ್ಷೋಚ್ಚಯ ಲೇಸ್ ಕೊಂಡೆವೂರು ಶ್ರೀ ನಿತ್ಯಾನಂದ ಯೋಗಾಶ್ರಮಡ್ ತುಲುವೆರೆ ಕಲತ್ತ ಗುರ್ಕಾರ್ದಿ ಗೀತಾ ಲಕ್ಷ್ಮೀಶ್ ಗುರ್ಕಾರ್ಮೆಡ್ ನಡತ್ಂಡ್. ಕೊಂಡೆವೂರು ಮಠತ್ತ ಸ್ವಾಮೀಜಿ ಲೇಸ್ ಉದಿಪನ ಮಲ್ತ್ ಎಡ್ಡೆಪುದ ಸಿರಿ ಮದಿಪು ಬಾಮಿಯೆರ್. ಮಿತ್ತರ್ಮೆಡ್ ಶ್ರೀ ಧರ್ಮಸ್ಥಳ ತುಳು ಪೀಠದ ಸಂಯೋಜಕೆರ್ ಡಾ. ಮಾಧವ ಎಂ ಕೆ, ಕುಡ್ಲ ಪ್ರೆಸ್ ಕ್ಲಬ್‌ದ ಗುರ್ಕಾರ್ರ್ ಪಿ.ಬಿ ಹರೀಶ್ ರೈ, ಕೋಟಿ ಚೆನ್ನಯ ಸೇವಾ ಬ್ರಿಗೇಡ್‌ದ ಗುರ್ಕಾರ್ಲು ಕಿರಣ್ ಕುಮಾರ್ ಕೊಡಿಕಲ್, ಪೆರಿಯ ಪತ್ರಕರ್ತೆ ಮಲಾರ್ ಜಯರಾಮ್ ರೈ ಪಾಲ್ ಪಡೆದ್ ಲೇಸ್‌ಗೆಡ್ಡೆಪು ಬಾಮಿಯೆರ್. ಗೇನದ ಮಂಟಮೆಡ್ ತುಳುನಾಡ್ದ ಸಾಹಿತ್ಯ ಪರಂಪರೆದ ಬಗೆಟ್ ಮಹಿ ಮುಲ್ಕಿ, ತುಳು ನಾಡ್, ನುಡಿ, ಸಂಸ್ಕೃತಿ ಒರಿಪುನಲ್ಪ ಬಾಸೆದ ಮಹತ್ವದ ಬಗೆಟ್ ಡಾ. ಅರುಣ್ ಉಳ್ಳಾಲ್ ಪಾತೆರಿಯೆರ್.
ಕರ್ನಾಟಕ ತುಳು ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಪುರಸ್ಕೃತ ರಾಜೇಶ್ ಶೆಟ್ಟಿ ದೋಟ ಬೊಕ್ಕ ತುಳುನಾಡ್ದ ಗೇನದ ಪಿಂಗಾರ ಬಿರುದಾಂಕಿತ ಶ್ರೀಶಾವಾಸವಿ ತುಳುನಾಡ್ ಕಲತ್ತ ಬೊಲ್ಲಿ ಮಾನಾದಿಗೆ ಪಡೆಯೆರ್. ಕಲತ್ತ ಬುಲೆಕ್ಲಾಯಿನ ಅಶೋಕ್ ಎನ್ ಕಡೆಶಿವಾಲಯ ಬರೆತಿ ಬದ್ಕ್ ಭಾಗ್ಯೊದ ಬೊಲ್ಪು, ವಿಶ್ವನಾಥ ಕುಲಾಲ್ ಮಿತ್ತೂರು ಬರೆತಿ ರೂಪಾಯಿ ನೋಟು, ರಕ್ಷಿತ್ ಬಿ ಕರ್ಕೇರ ಬರೆತಿ ಮಾಯೊದ ಮೆನ್ಪುರಿ, ಪದ್ಮನಾಭ ಪೂಜಾರಿ ನೇರಂಬೋಳು ಬಂಟ್ವಾಳ ಬರೆತಿ ಎಸಲ ಪನಿ, ಉಮೇಶ್ ಶಿರಿಯ ಬರೆತಿನ ಮಲ್ಲಿಗೆ ಜಲ್ಲಿ ಬೊಕ್ಕ ಸಂಪಿಗೆದ ಕಮ್ಮೆನ ಕೃತಿ ಬುಡುಗಡೆ ಬೊಕ್ಕ ಮುನ್ನುಡಿ, ಬೆನ್ನುಡಿ ಬರೆತಿನ ನಿಲೆಟ್ ಸದಾನಂದ ನಾರವಿ, ಮುದ್ದು ಮೂಡುಬೆಳ್ಳೆ, ಡಾ. ಅರುಣ್ ಉಳ್ಳಾಲ್, ರಘು ಇಡ್ಕಿದು, ವಿಜಯಲಕ್ಷ್ಮೀ ಕಟೀಲು, ಕುವಿಕು ಕಣ್ವತೀರ್ಥ, ಸತೀಶ್ ಶೆಟ್ಟಿ ಒಡ್ಡಂಬೆಟ್ಟು, ಶಾಂತರಾಮ ವಿ ಶೆಟ್ಟಿ, ಅನುರಾಧ ರಾಜೀವ್ ಸುರತ್ಕಲ್ ಬೊಕ್ಕ ಸಾಹಿತಿಲೆಗ್ ಮಾನಾದಿಗೆ ನಡತ್ಂಡ್.
ಸಾಹಿತಿ ಶಾಂತರಾಮ ವಿ ಶೆಟ್ಟಿ ಬೆಂಗಳೂರು ಗುರ್ಕಾರ್ಮೆದ ಬಾನೊದಾರೆ ಕಬಿಕೂಟಡ್ ಕಲತ್ತ 34 ಕಬಿಕ್ಲ್ ಕಬಿತೆ ಓದಿಯೆರ್. ಅಂಚನೇ ಮುಗಿತಲ ಲೇಸ್‌ಡ್ ಗೀತಾ ಲಕ್ಷ್ಮೀಶ್ ಸೊಲ್ಮೆ ಸಂದಯ್ತ ಮಲ್ತೆರ್. ರೇಣುಕಾ ಕಣಿಯೂರು, ನವೀನ್ ಕುಮಾರ್ ಪೆರಾರ, ಶ್ರೀಶಾವಾಸವಿ ತುಳುನಾಡ್ ಲೇಸ್ ಸುಧಾರಿಕೆ ಮಲ್ತೆರ್.
