ಮೀರಾ ದಹಾಣೂ ಬಂಟ್ಸ್ ವತಿಯಿಂದ ಪ್ರತೀ ವರ್ಷ ನಡೆಯುವ ಕ್ರೀಡಾಕೂಟದ ಮೊದಲ ಹಂತದಲ್ಲಿ ಫುಟ್ಬಾಲ್ ಪಂದ್ಯಾಟವು ಇದೇ ಬರುವ ಫೆಬ್ರವರಿ 4 ರ ರವಿವಾರದಂದು ಬೊಯಿಸರ್ ಪೂರ್ವದ ‘ಬೊಯಿಸರ್ ಸ್ಕೋರ್ ಸ್ಪೋರ್ಟ್ಸ್ ಮಾನ್’ನಲ್ಲಿ ಜರಗಲಿದೆ. ಅಂದು ನಡೆಯಲಿರುವ ಪುಟ್ಬಾಲ್ ಪಂದ್ಯಾಟದಲ್ಲಿ ಮೀರಾರೋಡ್ ನಿಂದ ದಹಾಣೂ ತನಕದ ವಲಯದ ಎಲ್ಲಾ ಬಂಟ ಕ್ರೀಡಾಪಟುಗಳ ತಂಡಗಳು ಭಾಗವಹಿಸಲಿದ್ದು, ಪಂದ್ಯಾಟವು ಮಧ್ಯಾಹ್ನ 2 ಗಂಟೆಯಿಂದ ಆರಂಭಗೊಳ್ಳಲಿದೆ.
ಎರಡನೇ ಹಂತದಲ್ಲಿ ಹಲವಾರು ಕ್ರೀಡೆಗಳು ಫೆಬ್ರವರಿ 10 ರಂದು ವಿರಾರ್ ನ ಹಳೇ ವಿವಾ ಕಾಲೇಜು ಮೈದಾನದಲ್ಲಿ ಬೆಳಿಗ್ಗೆ ಗಂಟೆ 7 ರಿಂದ ಆರಂಭಗೊಳ್ಳಲಿದೆ. ಮಹಾರಾಷ್ಟ್ರದ ಗಣ್ಯ ವ್ಯಕ್ತಿಗಳ ಸಮ್ಮುಖದಲ್ಲಿ ನಡೆಯಲಿರುವ ಈ ಪಂದ್ಯಾಟಕ್ಕೆ ಸಮಾಜ ಬಾಂಧವರು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸಿ, ಪಂದ್ಯಾಟವನ್ನು ಯಶಸ್ವಿಗೊಳಿಸುವಲ್ಲಿ ಭಾಗಿಯಾಗಬೇಕೆಂದು ಸಂಸ್ಥೆಯ ಪದಾಧಿಕಾರಿಗಳು ಪತ್ರಿಕಾ ಪ್ರಕಟನೆಯಲ್ಲಿ ವಿನಂತಿಸಿಕೊಂಡಿದ್ದಾರೆ.
